İsmayıllı rayonunda ağır yol-nəqliyyat hadisəsi olub.
Lent.az-ın məlumatına görə, hadisə rayonun İsmayıllı-Lahıc qəsəbə yolunun Lahıc qəsəbəsi istiqamətində qeydə alınıb.
1992-ci il təvəllüdlü Mirzəzadə Həsən Etiraf oğlu idarə etdiyi “Mercedes Benz 190” markalı avtomobillə hərəkətdə olarkən idarəetməni itirib. Nəticədə avtomobil yoldan çıxaraq dərəyə aşıb. Sürücü hadisə yerindəcə ölüb.
Faktla bağlı araşdırma aparılır.