Daşkəsəndə özünü yandıran müharibə iştirakçısı öldü - YENİLƏNİB
07 iyun 2024 10:24 (UTC +04:00)

Daşkəsəndə özünü yandıran müharibə iştirakçısı öldü - YENİLƏNİB

Daşkəsəndə özünü yandırdan Vətən müharibəsi iştirakçısı vəfat edib.

Lent.az xəbər verir ki, ötən gün benzin tökərək özünü yandıran 28 yaşlı Ədalət İsmayılov Bakıda xəstəxanaya gətirilib.

Lakin görülən tədbirlərə baxmayaraq, onun həyatını xilas etmək mümkün olmayıb. O, gecə saatlarında dünyasını dəyişib.

***
06.06.2024

Saat: 17:38

Daxili İşlər Nazirliyi Daşkəsən rayonunda baş vermiş insidentə aydınlıq gətirib.

Nazirlikdən Lent.az-a bildirilib ki, aprelin 26-da Daşkəsən rayonu, Quşçu kəndi ərazisində qayda pozuntuları ilə idarə edilən, insanların həyat və sağlamlığına real təhlükə yaradan “VAZ 2106” markalı avtomobili yol polidi əməkdaşları saxlayıb.

Müəyyən edilib ki, 10-FA-497 dövlət qeydiyyat nişanlı, Q.Həsənova məxsus avtomobil sürücülük hüququ və etibarnamə olmadan, Vətən müharibəsi iştirakçısı, 28 yaşlı İsmayılov Ədalət Fərman oğlu tərəfindən idarə edilir. Ə.İsmayılova qanunvericiliyə uyğun olaraq izahlar verilməsinə və onun intizama dəvət edilməsinə baxmayaraq, qanunsuz hərəkətlərini davam etdirib, istədiyi kimi avtomobil idarə edəcəyini bildirərək ictimai qaydanı kobud şəkildə pozmaqla polis əməkdaşlarına tabesizlik nümayiş etdirib.

Əməlində xırda xuliqanlığın tərkib əlamətləri olduğuna görə Ə.İsmayılov barəsində məhkəmə qərarı ilə 60 manat məbləğində inzibati tənbeh tədbiri tətbiq edilib. Onun inzibati məsuliyyətə cəlb edilməsinin əsassızlığı ilə bağlı müraciətləri aidiyyəti üzrə araşdırılıb və təsdiqini tapmadığından qərar qüvvədə saxlanılıb.

Ə.İsmayılovla çoxsaylı izahedici söhbətlər aparılmasına baxmayaraq, o qeydiyyatda olduğu Daşkəsən rayonunda və yaşadığı Gəncə şəhərində özünə aid olmayan nəqliyyat vasitələri ilə sərxoş vəziyyətdə avtoxuliqanlıq hərəkətlər etməsi ilə bağlı dəfələrlə tədbirlər görülüb.

Qeyd edək ki, Ədalət İsmayılov bu gün Daşkəsəndə üzərinə benzin tökərək özünə od vurub. Yaxınlıqdakı şəxslər yanğını söndürüb. Müxtəlif dərəcəli yanıq xəsarətləri alan Ə. İsmayılov xəstəxanaya yerləşdirilib.

1 2 3 4 5 İDMAN XƏBƏRLƏRİ
# 5037
avatar

Oxşar yazılar