Bakıda TIR-ların bağladığı yol açıldı -YENİLƏNİB

Bakının Heydər Əliyev prospektində TIR-ların yolu bağlaması səbəbindən yaranan tıxac aradan qaldırılıb.

Bu barədə Lent.az-a Bakı şəhər Dövlət Yol Polisi İdarəsinin baş inspektoru, polis mayoru Araz Əsgərli bildirib.

Onun sözlərinə görə, prospektə giriş-çıxış bərpa edilib. A. Əsgərli qeyd edib ki, nəqliyyatın hərəkətinin tənzimlənməsi istiqamətində tədbirlər davam etdirilir.

Qeyd edək ki, TIR-ların "R-GROUP" şirkətinə məxsus olduğu bildirilir.

***

Saat: 10:31

Bakıda TIR sürücülərinin etirazı davam edir.

Xəbərə hazırki vaxtdan görüntülər əlavə olunub.

***

Saat: 09:31

Bakıda TIR sürücüləri yolda tıxaca səbəb olub.

Lent.az xəbər verir ki, bir neçə TIR sürücüsü paytaxtın Heydər Əliyev prospektində, üzü şəhər istiqamətində sağ kənar zolağı bağlayıblar. Onların hansı səbəblə bunu etdikləri dəqiq bilinmir.

İlkin məlumata görə, sürücülərin etiraz əlaməti Dövlət Avtomobil Nəqliyyatı Xidmətindən alınan lisenziyalarla bağlıdır.

Hələlik aidiyyatı dövlət qurumları məsələyə münasibət bildirməyiblər. TIR-ların hansı şirkətə məxsus olduğu məlum deyil.

Qeyd edək ki, TIR sürücüləri sözügedən yolu gecə saatlarından bağlayıb. Görüntüləri təqdim edirik: