Ağcabədidə itkin düşən yeniyetmənin meyiti tapılıb.
Bu barədə Lent.az-a Fövqəladə Hallar Nazirliyindən məlumat verilib.
Qeyd olunub ki, fevralın 6-da Yuxarı Qarabağ kanalının Ağcabədi rayonu, Xocavənd kəndindən keçən hissəsində batan 17 yaşlı Həsənov Adil Əkbər oğlunun cəsədi Kiçikhəcmli Gəmilərə Nəzarət və Sularda Xilasetmə Dövlət Xidmətinin Aran dalğıc-axtarış qrupu tərəfindən suda tapılıb çıxarılaraq aidiyyəti üzrə təhvil verilib.
***
6 fevral, saat: 09:35
Ağcabədidə yeniyetmə itkin düşüb.
Lent.az-ın məlumatına görə, şəhərin Babək küçəsində yaşayan 17 yaşlı Həsənov Adil Əkbər oğlu fevralın 4-də evdən çıxaraq geri qayıtmayıb.
Bu barədə onun atası polisə müraciətində bildirib.
Araşdırma zamanı Adil Həsənova məxsus “Redmi” markalı mobil telefon Yuxarı Qarabağ kanalının kənarında tapılıb.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
