FHN Siyəzəndəki yanğınla bağlı növbəti məlumatı yayıb

Fövqəladə Hallar Nazirliyi (FHN) Siyəzəndəki yanğınla bağlı növbəti məlumatı yayıb.

Lent.az nazirliyin saytına istinadən xəbər verir ki, Siyəzən rayonunda, dağlıq ərazidə otlaq və kol-kos sahəsinin yanması və ərazidə müşahidə edilən küləkli hava şəraitinin alovun sürətlə yayılmasına səbəb olması barədə məlumat daxil olub. Nazirliyin 200 nəfərdən çox canlı qüvvəsi və 14 ədəd texnikası, o cümlədən 3 helikopteri və 1 ədəd Be-200 markalı Amfibiya təyyarəsi hadisə yerinə cəlb edilib. Yaxınlıqda yerləşən fermalar və meşə zolağı yanğınsöndürənlər tərəfindən yanğından mühafizə edilib. Son məlumata görə, yanğının ümumi sahəsi təxminən 700-800 ha təşkil edir. Küləkli hava şəraitinə baxmayaraq, nazirliyin aidiyyəti qüvvələri tərəfindən yanğının qarşısı alınıb və hazırda söndürülmə işləri davam etdirilir.