Xaçmazda ağır yol qəzası: 2 ölü

Baş Dövlət Yol Polisi İdarəsinin baş müstəntiqi Hikmət Kərimovun APA-nın yerli bürosuna verdiyi məlumata görə, Bakı-Quba yolunun Xaçmaz rayonu ərazisindən keçən hissəsində Şabran rayonu Təzəkənd kənd sakini 1944-cü il təvəllüdlü Səlimov Məmməd Qara oğlunun idarə etdiyi 17 BA 633 dövlət nömrə nişanlı “VAZ 2106” markalı avtomobil Xaçmaz rayonu Çarxı kənd sakini 1988-ci il təvəllüdlü Haqverdiyev Kamal Bəxtiyar oğluna məxsus 10 OB 997 dövlət nömrə nişanlı “VAZ 2107” markalı maşınla toqquşub. Nəticədə “VAZ 2106” markalı avtomobilin sürücüsü Məmməd Səlimov və “VAZ 2107” markalı avtomobildə olan sərnişin Bakı şəhər sakini 1985-ci il təvəllüdlü Fərzəliyeva Turanə Arif qızı dünyasını dəyişib. Digər avtomobilin sürücüsü Kamal Haqverdiyev və sərnişin Şabran rayonunun Təzəkənd kənd sakini 1954-cü il təvəllüdlü Səlimova Dəstəgül Nurəddin qızı ağır bədən xəsarətləri ilə Xaçmaz Mərkəzi Rayon Xəstəxanasına yerləşdiriliblər. Hazırda qəzanın baş vermə səbəbləri araşdırılır.