Bakıda iş adamını öldürənlərin fotorobotu hazırlanıb

Bu barədə APA-ya Nərimanov Rayon Polis İdarəsindən bildirilib. Məlumata görə, basqınçıların fotorobotu hadisə şahidlərinin ifadəsi və ərazidə olan təhlükəsizlik kameralarındakı görüntülər əsasında hazırlanıb. Toplanmış ifadələrə əsasən, şirkətə basqın edən şəxslərin klassik geyimdə - kostyumda olublar. İstintaq sirri olduğundan hazırlanmış fotorobot hələlik yayımlanmır.

Artıq baş vermiş hadisə ilə bağlı Nərimanov Rayon Prokurorluğu tərəfindən Cinayət Məcəlləsinin 120-ci (qəsdən adam öldürmə) maddəsi ilə cinayət işi başlanıb, istintaq tədbirləri davam etdirilir.

Qeyd edək ki, naməlum şəxslər iyulun 11-də “Azər-Ross” MTK-nın ofisinə daxil olaraq şirkətin rəhbəri Əflatun Piriyev və şirkətin baş mühasibi, Əmiraslan Əhmədovu güllələyiblər. Şirkətin rəhbəri aldığı güllə yarasından dünyasını dəyişib. Ə. Əhmədov isə ağır vəziyyətdə xəstəxanaya yerləşdirilib. Hadisənin motivi məlum deyil.