Hərbi hissədəki yanğında xəsarət alan hərbçilərimiz – SİYAHI

Müdafiə Nazirliyinin mətbuat xidmətindən APA-ya verilən məlumata görə, onlar aşağıdakılardır:
1. 2010-cu ilin oktyabrında Şəki Rayon Hərbi Komissarlığından (RHK) hərbi xidmətə çağırılmış Yusif Fərman oğlu Əhmədov
2. 2010-cu ilin yanvarında Salyan RHK-dan hərbi xidmətə çağırılmış Ülvi Yusif oğlu Məlikov
3. 2010-cu ilin iyulunda Bakının Nizami RHK-dan hərbi xidmətə çağırılmış Rasim Rəşad oğlu Əsədov
4. 2009-cu ilin oktyabrında Yevlax RHK-dan hərbi xidmətə çağırılmış Alı İnqilab oğlu Eminli
5. 2010-cu ilin oktyabrında Ağdam RHK-dan hərbi xidmətə çağırılmış Rəvan Qəhrəman oğlu Quliyev
6. 2010-cu ilin Yanvarında Lerik rayonundan hərbi xidmətə çağırılmış Elmar Rais oğlu Əliyev

Qeyd edək ki, məlum hadisə martın 23-də Şəmkir Hərbi Birləşməsin Gədəbəy rayonunda yerləşən hərbi hissəsində qeydə alınıb. Hadisə Novruz bayramı ilə əlaqədar qeyri-iş günlərində baş verdiyindən bu barədə xəbər gec yayılıb.

Məlumatda bildirilir ki, əsgərlər generatoru işə salmaq istəyərkən yanğın baş verib, nəticədə sığınacaq, odlu silah və döyüş sursatı yanıb. Yanğın zamanı, həmçinin, 6 əsgər müxtəlif dərəcəli yanıq xəsarətləri alıb. Yaralı əsgərlər hospitala yerləşdiriliblər, vəziyyətləri stabildir.