İsmayıllıda üç uşaq atası arvadını qətlə yetirdi
06 noyabr 2009 13:00 (UTC +04:00)

İsmayıllıda üç uşaq atası arvadını qətlə yetirdi

O, 23 yaşlı qadını əvvəlcə döyüb, sonra başına küt alətlə vurub

Azərbaycanın İsmayıllı rayonunda üç uşaq atası həyat yoldaşını xüsusi amansızlıqla qətlə yetirib. Bu barədə APA-ya İsmayıllı rayon Prokurorluğundan məlumat verilib.



Hadisə ötən gün baş verib. Rayon sakini, 1976-cı il təvəllüdlü Şərafət Hidayət oğlu İbadov yaşadığı mənzildə həyat yoldaşı, 1982-ci il təvəllüdlü Cəmalə Nəcməddin qızı İbadovanı döyüb. Sonra isə həyat yoldaşını yerə yıxaraq, başına küt alətlə bir neçə dəfə zərbə endirib. C.İbadova aldığı xəsarətlərdən hadisə yerindəcə keçinib.


Ş.İbadov həyat yoldaşı keçindikdən sonra polisə könüllü təslim olub. O, hadisəni qısqanclıq zəminində törətdiyi bildirib.


Faktla bağlı İsmayıllı rayon Prokurorluğu tərəfindən Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, araşdırma aparılır.
# 271

Oxşar yazılar