17 yaşlı oğlan qətl törətdi

O, 18 yaşlı gənci bıçaqlayıb

Oktyabrın 25-də saat 15:00 radələrində Moskva prospektində, İdman Konsert Kompleksinin parkında üzərində 5 bıçaq xəsarəti olan 20-25 yaşlı kişi meyiti tapılıb.

Bakı Şəhər Baş Polis İdarəsinin mətbuat xidmətindən Lent.az-a verilən məlumata görə, Bakı şəhər Baş Polis İdarəsi Cinayət Axtarış İdarəsi, Nəsimi Rayon Polis İdarəsi Cinayət axtarış şöbəsi və 20-ci Polis Bölməsinin əməkdaşlarının keçirdikləri əməliyyat tədbirləri nəticəsində qətlə yetirilənin şəxsiyyəti müəyyən edilib.

Məlum olub ki, həmin şəxs 1991-ci il təvəllüdlü Xıdırov Vüsal Əvəz oğludur.

Təxirəsalınmaz əməliyyat tədbirləri nəticəsində qətl törətməkdə şübhəli bilinən 1992-ci il təvəllüdlü İsmayılov Tural Bilal oğlu da oktyabrın 26-da tutulub.