Balakən sakini elektrik xəttindən tutaraq intihar edib
14 sentyabr 2009 13:30 (UTC +04:00)

Balakən sakini elektrik xəttindən tutaraq intihar edib

Azərbaycanın Balakən rayonunda 28 yaşlı gənc yüksək gərginlikli elektrik xəttindən tutaraq özünü öldürüb.

Bu barədə APA-ya Balakən rayon Prokurorluğundan məlumat verilib. Məlumata görə, hadisə ötən gün rayonun Tallar kəndində baş verib. Kənd sakini, 1981-ci il təvəllüdlü Cəfər Sücəddin oğlu Əliyev valideynlərinin və qonşularının gözü qarşısında kəndin ərazisindəki yüksək gərginlikli elektrik transformatoruna yaxınlaşaraq, elektrik xəttindən yapışıb. Valideynləri onu intihardan daşındırmağa çalışsalar da, bu mümkün olmayıb.

Nəticədə C. Əliyev elektrik cərəyanı vurması nəticəsində yerindəcə dünyasını dəyişib.
Faktla bağlı Balakən rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb, hadisənin baş vermə səbəbləri araşdırılır.
# 301

Oxşar yazılar