Oğurladığı velosipedlə şütüyərkən tutuldu
05 fevral 2011 11:32 (UTC +04:00)

Oğurladığı velosipedlə şütüyərkən tutuldu

Hüquq-mühafizə orqanlarından Lent.az-a verilən məlumata görə, Binəqədi rayon 9-cu mikrorayon 11 ünvanında yaşayan 1983-cü il təvəllüdlü Təhməzova Səmral Əhməd qızı şikayət ərizəsi ilə müraciət edib.

28 yaşlı qadın ərizəsində naməlum şəxsin fevralın 3-dən 4-ə keçən binanın qarşısında onun oğluna məxsus iki ədəd velosipedi oğurladığını bildirib. Dərhal polis oğurluğu törətmiş şəxsin axtarışlarına başlayıb.

Fevralın 4-də axşam saatlarında oğurluğun Abşeron rayon sakini, 1995-ci il təvəllüdlü Vahabov İlqar İlham oğlu tərəfində törədildiyi məlum olub. Polislər 16 yaşlı oğlanı yaxalayarkən o, “ələ keçirdiyi” velosipedlə şütüyürmüş.

İ.Vahabov oğurladığı velosipedləri geri qaytarıb.

Onun barəsində həbs qəti imkan tədbiri seçilməyib.


Nizam Rza
# 981

Oxşar yazılar