Gədəbəyə güclü leysan, sel körpünü aparıb

Azərbaycanın Gədəbəy rayonuna güclü leysan və dolu yağıb.

APA-nın qərb bürosunun xəbərinə görə, rayonun Alıqulular və Şınıx kəndlərində daha güclü dolu müşahidə edilib.

Rayon Fövqəladə Hallar Komissiyasının sədri Qüdrət Paşayev APA-ya açıqlamasında deyib ki, dolu əsasən meyvə bağlarına ziyan vurub. Güclü leysan nəticəsində çaylarda daşqın olub. Gədəbəy rayon mərkəzindəki 15 metrlik körpünü sel aparıb.