Deputatlığa keçmiş namizəd Baş Prokurorluqda ifadə verib

Bu barədə APA-ya keçmiş namizəd özün məlumat verib. Bu gün Respublika Baş Prokurorluğuna dəvət olunduğunu deyən V. İsgəndərov dindirilmə prosesinin 3 saat çəkdiyini qeyd edib: “Məlum hadisə ilə bağlı Baş Prokurorluqda istintaq qrupu yaradılıb. İstintaq qrupuna Pərviz İbayev rəhbərlik edir. Pərviz İbayevin iştirakı ilə ifadəm alındı. Dindirilmə zamanı mən sözügedən dairədə baş vermiş qanun pozuntuları barədə istintaq qrupuna ətraflı məlumat verdim. İfadəni alınması sabah davam edəcək. Sabah istintaqa maddi sübutları təqdim edəcəyəm, mənə ünvanlanan sualları cavablandıracağam”.

Qeyd edək ki, 89 saylı Göyçay-Ağdaş Seçki Dairəsi üzrə aşkar edilmiş seçki pozuntuları ilə bağlı Azərbaycan Baş Prokurorluğunda cinayət işi başlanıb. Cinayət işi həmin dairədən namizəd olmuş Vidadi İsgəndərovun seçki günü səsvermə prosesinə müdaxiləsi, seçki qanunvericiliyini pozması ilə bağlıdır.