Hərbi prokurorun iki müavini işdən çıxarılıb

Respublika Hərbi Prokurorluğunun rəhbərliyində kadr dəyişikliyi baş verib.

Prokurorluq orqanlarından APA-ya verilən məlumata görə, Respublika Hərbi Prokurorun birinci müavini İlham Məmmədov və müavini Tofiq Rəsulov işdən azad ediliblər. Onların işdən çıxarılması struktur dəyişikliyi ilə əlaqələndirilib.

Respublika Hərbi Prokurorluğundan isə bildirilib ki, İ. Məmmədov işdən çıxarılıb, T. Rəsulov isə təqaüdə göndərilib.

Qeyd edək ki, İlham Məmmədov 2003-cü ilin aprelin 24-də Respublikası Hərbi prokurorunun 1-ci müavini vəzifəsinə təyin olunub. O, həmçinin Əsir və itkin düşmüş, girov götürülmüş vətəndaşlarla əlaqədar Dövlət komissiyasının üzvü olub.

T. Rəsulov isə 7 oktyabr 1995-ci ildə Respublikası Hərbi prokurorunun müavini vəzifəsinə təyin edilib.