Oğlunu yol qəzasında itirən ata intihar etdi

53 yaşlı kişi yaşadığı evdə özünü asıb

Azərbaycan paytaxtında gənc oğlunu itirən ata intihar edib.

Yasamal rayon Prokurorluğundan APA-ya verilən məlumata görə, hadisə ötən gün rayonun B. Bağırov küçəsində yerləşən fərdi yaşayış evində qeydə alınıb. Həmin ünvanda yaşayan, 1956-cı il təvəllüdlü İsmayıl Gülməmməd oğlu Məmmədov yaşadığı evdə özünü asıb.

Məlumata görə, İ. Məmmədovun oğlu bir il əvvəl yol qəzasında həlak olub. Oğlunun ölümünə dözməyən ata dəfələrlə həyat yoldaşına övladı olmadan yaşaya bilmədiyini bildirib. Nəhayət o, ötən gün evdə heç kimin olmadığından istifadə edərək özünü öldürüb.

Faktla bağlı Yasamal rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb, istintaq aparılır.