Gəncədə milli təhlükəsizlik orqanlarının 90 illiyi qeyd olunur

Milli Təhlükəsizlik Nazirliyinin əməkdaşları peşə bayramı ilə bağlı silsilə tədbirlər keçirilir
Gəncədə Azərbaycanın milli təhlükəsizlik orqanlarının yaranmasının 90 illiyi ilə əlaqədar tədbirlər keçirilir. Lent.az-ın Gəncəbasar müxbirinin verdiyi məlumata görə, bu gün keçirilən tədbirdə Milli Təhlükəsizlik Nazirliyinin yerli şöbəsinin əməkdaşları və Gəncə şəhər Nizami rayon İcra Hakimiyyətinin nümayəndələri iştirak edib. Tədbirdə çıxış edənlər milli təhlükəsizlik orqanlarının 1919-cu il mart ayının 28-də ADR-də Hərbi Nazirliyin Baş Qərargahının general-kvartirmeystr şöbəsində kəşfiyyat və əks-kəşfiyyat bölməsinin yaradılması ilə başlayan tarixindən və bugünkü fəaliyyətindən bəhs ediblər.
28 mart Milli Təhlükəsizlik Nazirliyi əməkdaşlarının peşə bayramı ilə bağlı tədbirlər davam edəcək.
Vüsalə Cənnətova