Səhhəti pisləşən “Mitsubishi” sahibi qarət olundu

Soyğunçuluqda şübhəli bilinən şəxs tutulub

Bakıda sürücünü qarət edən şəxs həbs edilib. Bakı şəhər baş Polis İdarəsindən Lent.az-a verilən məlumata görə, fevralın 28-də saat 13.30 radələrində Füzuli küçəsində 1961-ci il təvəllüdlü Ruvinov Eduard Aleksandroviç “Mitsubishi” markalı, 10 DJ 954 dövlət nömrə nişanlı maşını idarə edərkən özünü pis hiss edib və maşını saxlayıb. Həmin vaxt naməlum şəxs onun vəziyyətindən istifadə edərək, cibində olan 750 manat pulu götürüb və hadisə yerindən qaçıb.

Nəsimi Rayon Polis İdarəsinin 21-ci Polis Bölməsi əməkdaşlarının həyata keçirdiyi əməliyyat-axtarış tədbirləri nəticəsində soyğunçuluqda şübhəli bilinən 1985-ci il təvəllüdlü Sultanov Azad Elxan oğlu tutularaq məsuliyyətə cəlb edilib.

Hafiz Heydərov