Yataqdan sürüyüb çıxarıblar - Maduro və arvadı yatdıqları yerdə TUTULUB

Venesuela prezidenti Nikolas Maduronun və onun həyat yoldaşı Siliya Floresin ələ keçirilməsi əməliyyatı nümayişkaranə şəkildə alçaldıcı xarakter daşıyıb.

Lent.az xəbər verir ki, CNN telekanalının məlumatına görə, ABŞ-ın elit döyüşçüləri prezident və onun həyat yoldaşını birbaşa yataq otağından zorla çıxarıblar.

Bildirilir ki, cütlük gecəyarı yatdıqları yerdə tamamilə gözlənilmədən yaxalanıb.

Qeyd edək ki, Venesuela prezidenti Nikolas Maduro və onun həyat yoldaşı Siliya Flores ABŞ xüsusi təyinatlıları tərəfindən saxlanılaraq, Birləşmiş Ştatlara aparılıb. Burada onlara qarşı narkoterrorizm ittihamı irəli sürülüb. İddialara görə, Maduronu ömürlük həbs cəzası gözləyir.