Rusiya Federasiyası Volqoqrad şəhərinin dəmir yolu vağzalında törədilmiş partlayışı, ilkin məlumatlara görə, Dağıstandakı silahlı qruplaşmalardan birinin üzvü, Mari El Respublikasının Voljsk şəhərindən olan Pavel Peçenkin həyata keçirib.
APA-nın “İnterfax”a istinadən xəbərinə görə, Peçenkin Dağıstan yaraqlılarına 2012-ci ilin yazında qoşulub.
O, əvvəllər təcili tibbi yardım stansiyasında feldşer işləyib. Sonradan İslam dinini qəbul edib və adını dəyişərək Ənsar ər-Rusi olub.
Bildirilir ki, terrorçunun şəxsiyyəti barədə yekun məlumatlar DNK analizlərindən sonra açıqlanacaq. Pavel Peçenkinin atası Nikolay artıq qan analizi verib.
Qeyd edək ki, dekabrın 29-da Volqoqradda dəmir yolu vağzalında, bu gün isə trolleybusda terror aktları törədilib. Vağzalda törədilən partlayışda 17 nəfər həlak olub, 50-dən çox adam yaralanıb. Trolleybusda törədilən partlayışda isə 14 nəfər ölüb, 28 nəfər yaralanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
