Tiflis meri 29 min dollara zaminə buraxılıb

Tiflis şəhər məhkəməsi şəhərin meri Qiqi Uqulavanı 50 min lari (29 min dollar) girov qarşılığında zaminə buraxıb.

Lentşaz-ın "RİANovosti"-yə istinadən məlumatına görə, Qiqi Uqulava barəsində qəti imkan tədbiri seçilməsi ilə bağlı məhkəmə prosesi bir neçə saat davam edib. Baş Prokurorluq merin həbsini və onun səlahiyyətlərinin dayandırılmasını istəyib.

Məhkəmənin qərarına əsasən, Uqulava bu məbləği 30 günə ödəməlidir.

Qeyd edək ki, Qiqi Uqulava Mixail Saakaşvilinin “Vahid Milli Hərəkat” Partiyasının seçki kampaniyasına şəhər büdcəsindən 30 mln. dollaradək vəsait xərcləməkdə ittiham olunur.