Tehran, Moskva və Dəməşq Suriya ilə bağlı qrup yaratdı

Tehran, Moskva və Dəməşq Suriyada vəziyyətin monitorinqi üzrə qrup yaradıblar.

APA-nın “RİA Novosti”yə istinadən verdiyi xəbərə görə, bu barədə İranın Təhlükəsizlik üzrə Ali Şurasının katibi Əli Şamxani Rusiya Təhlükəsizlik Şurasının katibi Nikolay Patruşevlə görüşü zamanı bildirib.

Qeyd edək ki, Patruşev iyunun 27-də Moskvada Şamxani ilə regional və beynəlxalq təhlükəsizlik məsələlərini müzakirə edib.

“Görüşün yekunlarına əsasən, Suriyada siyasi və təhlükəsizlik məsələlərin müzakirə olunması üçün üçtərəfli qrupun yaradılmasına dair qərar qəbul ediblər”, deyə Şamxani qeyd edib.