Tacikistanda sayt və sosial şəbəkələr qapadılır

Tacikistan hökuməti yanında rabitə xidməti dekabrın 21-də 131 internet saytın qapadılmasına dair göstəriş verib.

Lent.az-ın «RİA-Novosti»-yə istinadən məlumatına görə, onların arasında «vkontakte», «Odnoklassniki», «Twitter» kimi sosial şəbəkələr də var.

Məlumata əsasən, gələn həftənin ilk günündən bu saytların hamısını bağlamağa başlayacaqlar.

Qeyd edək ki, ötən ay Tacikistanda «facebook» sosial şəbəkəsinə girişi bağlamışdı. Beynəlxalq qurumların, o cümlədən ATƏT və Avropa Birliyinin müraciətindən sonra blok götürülmüşdü. Mənbənin bildirdiyinə görə, bu qəraradək 30 sayt, o cümlədən «vesti.ru», «gazeta.ru», «ria.ru», «centrasia.ru»-da bağlanıb.