Şahzadəni vergidən yayınmaqda günahlandırırlar

Britaniyada respublika quruluşu tərəfdarları tax-tacın varisi Uels şahzadəsi Çarlzı vergidən yayınmaqda günahlandırıblar.

Lent.az-ın «RİA-Novosti»-yə istinadən məlumatına görə, onlar bu məqsədlə krallığın vergi və kömrük xidmətinə araşdırma aparılması üçün müraciət ediblər. Onun Kornuoll hersoqluğundakı malikanəsi 700 milyon funta dəyərləndirilib. O şahzadəyə 18 milyon funt gəlir gətirib. Monarxiyaya qarşı olanlar hesab edib ki, hersoqluq ayrıca hüquqi şəxs olduğundan məsələyə yenidən baxılmalıdır.

Hersoqluq hökuməti isə bu iddianı rədd edir və ayrıca hüquqi şəxs olmadıqlarını bildiriblər.

Kornuoll hersoqluğu 14-cü əsrdən kral ailəsinin idarəçiliyindədir. O, İngiltərənin cənub-qərbində yerləşir. Sahəsi 53 min hektardır. Britaniyanı idarə edən monarxın böyük oğlu hersoqluq titulunu ya anadan olan kimi, ya da valideyni taxtda oturandan sonra alır. Əgər monarxın oğlu yoxdursa, o zaman hersoqluq kralın tabeliyində qalır.