Qazaxıstan latın əlifbasına keçir

Bu gün Qazaxıstan prezidenti Nursultan Nazarbayev xalqa müraciət edib.

Lent.az-ın “Pravda” qəzetinə istinadən verdiyi məlumata görə, dövlət dilinin inkişafı sahəsində kompleks tədbirlərin davam etdiriləcəyinə söz verən Nursultan Nazarbayev deyib ki, 2025-ci ildə latın əlifbasına keçidlə bağlı elə indidən hazırlıq işlərinə başlamaq lazımdır.

Qazaxıstan prezidenti bildirib ki, bu islahat tək qazax dilinin inkişafına xidmət etməyəcək, həm də qazax dilini müasir informasiya dilinə çevirəcək. Nursultan Nazarbayev Qazaxıstanda rus dili ilə bağlı məsələyə də toxunub. Onun sözlərinə görə, məhz rus dili vasitəsi ilə qazaxıstanlılar dünya mədəniyyəti və elminə çıxış əldə ediblər: “Biz rus dilinə də qayğı ilə yanaşmalıyıq. Rus dilini bilmək bizim xalqın tarixi üstünlüyüdür”.

Nursultan Nazarbayev həmvətənlərinin ingilis dilini öyrənmə səviyyəsini isə yetərli saymır, ingilis dilini öyrənmək sahəsində ciddi irəliləyişə nail olmağı zəruri sayrı.