Prezidentliyə namizədin avtomobili yandırılıb

Dekabrın 21-də Xevronda Fələstin şəriət məhkəməsinin keçmiş sədri, Azadlıq və Müstəqilik Partiyasının lideri Taysir əl Təmimin avtomobili yaşadığı evin qarşısında yandırılıb.

Lent.az-ın «nyusru»-ya istinadən məlumatına görə, o, olayla bağlı müsahibəsində bildirib ki, səhər tezdən tüstü qoxusu hiss edən xanımı onu oyadıb, həyətə çıxanda maşının yandığını görüb.

Şeyx heç kimi günahlandırmayaraq, bunu «siyasi sui-qəsd» adlandırıb.

Qeyd edək ki, bir həftə öncə Fələstin Muxtariyyatına növbəti prezident seçkisinin keçiriləcəyi elan edilib. O, baş verən olayı da bununla əlaqələndirib. Çünki Taysir əl –Təmimi də bu siyasi kampaniyaya namizəd kimi qatılmaq niyyətindədir.

O, cinsi zoraklıqda ittiham olunduğu üçün 2010-cu ildə şəriət məhkəməsi sədrliyindən məcburi olaraq, istefa verib. 2009-cu ildə şeyx torpaq və evlərini yəhudilərə satan fələstinlilərin edam olunmasının fəal təbliğatçılarından olub.