Roma papası XVI Benedikt keçmiş eşik ağası Paolo Qabrieleni əfv edib.
O, papanın məxfi sənədlərini mətbuata yaymaqda təqsirli bilinərək, 16 ay həbs cəzasına məhkum edilmişdi.
Dekabrın 22-də Roma Papası səhər həbsxanada ona baş çəkdikdən sonra 46 yaşlı Qabiriele azad edilib.Vatikanın mətbuat xidmətinin məlumatına görə, ancaq ona gələcəkdə Vatikanda yaşamaq və işləmək qadağan edilib.
Vatikan yenidən həyata başlamaq üçün ona hər cür yardım etməyə hazır olduğunu bildirib.
Qabriele isə həbsinin səbəbinə münasibət bildirərkən deyib ki, məxfi sənədləri, Papanın ətrafındakı pozuntular barədə ona lazımınca məlumat verildiyinə şübhə etdiyinə görə jurnalistlərə yayıb.