Pakistanda 22 əsgər öldürüldü, baş nazir səfərini təxirə saldı

Pakistan hərbiçilərini daşıyan maşında bomba partladılıb. Lent.az-ın xarici KİV-ə istinadən verdiyi məlumata görə, terror aktı zamanı 22 əsgər ölüb, 30 əsgər isə yaralanıb. Verilən məlumatda qeyd olunur ki, hadisə Əfqanıstanla sərhəddə yerləşən Haybər-Paktuhkva əyalətinin Bannu kəndində baş verib. Terror aktının “Taliban”ın Pakistanda fəaliyyət göstərən qanadı tərəfindən törədildiyi məlum olub. Hadisə ilə əlaqədar adıçəkilən ölkənin baş naziri Nəvaz Şərif Dünya İqtisadi Forumuna iştirak etmək üçün Davosa getmək səfərini təxirə salıb. O, mətbuata açıqlamasında bildirib ki, bu hadisə Pakistana qarşı bir savaş elanıdır və bunun cavabı veriləcək.