Müxalifət Yanukoviçi axtarır...və istefasını tələb edir
22 fevral 2014 13:48 (UTC +04:00)

Müxalifət Yanukoviçi axtarır...və istefasını tələb edir

“Bir neçə saat ərzində prezident Viktor Yanukoviçin harada olduğu müəyyənləşməsə, parlament Konstitusiya quruluşunun bərpası haqqında qərar qəbul etməlidir”. APA-nın Ukrayna xəbər agentliklərinə istinadən verdiyi məlumata görə, bunu Ali Radanın iclasında çıxış edən “Batkivşina” (Vətən) Partiyasının liderlərindən biri Aleksandr Turçinov deyib. O bildirib ki, hökumət üzvlərinin əksəriyyəti naməlum istiqamətdə yoxa çıxıb, prezidentin də harada olduğu bəlli deyil, ona görə də yeganə legitim orqan Ali Radadır. A. Turçinov deputatları ləngimədən Ali Radanın yeni rəhbərliyini seçməyə, baş nazir və daxili işlər naziri vəzifələrinə müvəqqəti icraçılar təyin etməyə, daha sonra yeni Nazirlər Kabinetini formalaşdırmağa çağırıb. 

 

“Batkivşina” fraksiyasının lideri Arseni Yasenyuk isə prezidentin 2004-cü il Konstitusiyasına qayıdış barədə parlamentin fevralın 21-də qəbul etdiyi qanunu hələ də imzalamadığını söyləyərək bəyan edib ki, bu fakt dövlət başçısının istefasına əsas verir: “Viktor Yanukoviç dünən bu qanunu imzalamalı idi. Qanunun imzalanmaması Viktor Yanukoviçin gecikmədən istefaya getməsi üçün birbaşa əsasdır”.

 

UDAR Partiyasının lideri Vitali Kliçko da V. Yanukoviçin dərhal istefa verməsini tələb edərək mayın 25-dən gec olmayaraq növbədənkənar prezident seçkilərinin keçirilməsini tələb edib.

 

V. Yanukoviçin müşaviri, deputat Anna German isə dövlət başçısının harada olmasına aydınlıq gətirib. O, V. Yanukoviçin Xarkovda olduğunu, lakin cənub-şərq vilayətlərinin təmsilçilərinin qurultayında iştirak etməyəcəyini vurğulayıb. 

 

1 2 3 4 5 İDMAN XƏBƏRLƏRİ
# 1223
avatar

Oxşar yazılar

İnterpolun axtardığı ana və oğlu  tutuldu

İnterpolun axtardığı ana və oğlu tutuldu

15 iyun 2024 , 17:27
271 nəfəri daşıyan gəmi batdı

271 nəfəri daşıyan gəmi batdı

15 iyun 2024 , 16:40
Bayden Trampın ad gününü zarafatla təbrik etdi - VİDEO

Bayden Trampın ad gününü zarafatla təbrik etdi - VİDEO

15 iyun 2024 , 15:51
Biznesmen "killer" qadından möcüzə sayəsində  qurtuldu

Biznesmen "killer" qadından möcüzə sayəsində qurtuldu

15 iyun 2024 , 13:32
Kişi qəribə səbəblə evini partladıb öldü - VİDEO

Kişi qəribə səbəblə evini partladıb öldü - VİDEO

15 iyun 2024 , 12:09
Yeni prezidentin korteji qəzaya düşdü, ölən var

Yeni prezidentin korteji qəzaya düşdü, ölən var

15 iyun 2024 , 10:15
Tramp Baydeni  axmaq  adlandırıb

Tramp Baydeni axmaq adlandırıb

15 iyun 2024 , 05:34
Rusiya-Misir hərbi təlimləri   keçiriləcək

Rusiya-Misir hərbi təlimləri keçiriləcək

15 iyun 2024 , 02:51