Müxalifət Yanukoviçə 24 saat vaxt verdi

Kiyevdə milislə etirazçılar arasında qarşıdurma baş verib.

Lent.az-ın «unian.net»-ə istinadən məlumatına görə, «Batkivşian» parlament fraksiyasının lideri Arsen Yatsenyuk yanvarın 22-də gecə Müstəqillik Maydanında çıxışında bildirib ki, qan axıdılmasını dayandırması üçün Yanukoviçin 24 saat vaxtı var.

O, qeyd edib ki, hazırda iki yol var: qan tökülməsi dayandırılmalı, Maydanda qətli törədənlər məsuliyyətə cəlb edilməli, hazırda meydanda, eləcə də Ukraynada hər kəsin həyatı qorunmalıdır.

«Bunu gerçəkləşməsi üçün 24 saat var. Əgər bu yol tutulmazsa, o zaman mən bu biabırçılığa dözə bilmərəm. Sabah irəli gedəcəyik. Güllə alına dəysə də bu doğru, ədalətli və cəsarətlidir. Bu gün biz Maydanı qoruyuruq. Ukraynanın dövlət bütövlüyünü, Ukraynada hər insanın, özünüzün həyatını qorumaq üçün əlinizdən gələni edin»-deyə, o, vurğulayıb.

Yatsenyuk əlavə edib: «Qərar qəbul etməsi üçün Viktor Yanukoviçin 24 saatı qalıb. Mən qərarımı qəbul etmişəm».