Misirdə hakim və müxalif partiyalar anlaşma imzalayıb

Yanvarın 31-də Misir siyasi partiyalarının liderləri anlaşma imzalayıb.

Lent.az-ın «BBC»-yə istinadən məlumatına görə, tərəflər zor tətbiqinə yol verməyəcəkləri ilə bağlı razılığa gəliblər.

Xatırladaq ki, ölkədə keçirilən etiraz aksiyaları nəticəsində 50 nəfərdən çox etiraz aksiyaçısı həlak olub.

Razılaşma hakimiyyət olan «Müsəlman qardaşları» hərəkatı ilə Misir müxalifəti arasında imzalanıb. Görüş ölkənin ali ruhani akademiyasının binasında – əl-Əzhər Universitetində keçirilib.

Bir müddət öncə isə müxalifət prezident Məhəmməd Mursinin dialoq çağırışını rədd edərək, bildirmişdi ki, dövlət başçısı ilk növbədə demokratiki islahatlara sədaqətli olacağını sübut etməlidir.