Meksikanın paytaxtı Mexiko yaxınlığında maye qazla dolu yük maşınının partlaması nəticəsində ölənlərin sayı 19-a çatıb, azı 30 nəfər yaralanıb.
Lent.az-ın xarici informasiya vasitələrinə istinadən məlumatına görə, yerli hakimiyyət təmsilçiləri bildirib ki, faciə nəticəsində 36 insan müxtəlif dərəcəli yanıq xəsarəti alıb.
Hadisə yerinin yaxınlığında olan yaşayış evlərinə, avtomobillərə ciddi ziyan dəyib. Yanğın artıq söndürülüb.
Hadisə ilə bağlı araşdırma aparılır. Maye qaz daşıyan yük maşınının hərəkətdə olduğu zaman qəfil aşmasının səbəbləri aydınlaşdırılır.
Partlayışın səbəbi haqda açıqlama verilməyib.