Mason lojasının türk başçısı

Dünyada gizliliyi ilə ad çıxarmış Mason lojasının «Potomac lojası»na Çetin Durak adlı türk liderlik edəcək.

Lent.az-ın «Habertürk»-ə istinadən məlumatına görə, dekabrın 17-də «Installation» mərasimində o, vəzifəsini təhvil alacaq. Çetin Durak Türkiyənin Vaşinqtondakı lobbiçiliyini həyata keçirən Ünal Durakın oğludur. O, «Bloomberg Grub»unda çalışır.

Mənbənin məlumatına əsasən, Ç.Durak ABŞ-ın seçilmiş universitetində təhsilin başa vurduqdan sonra iş dünyasında önəmli uğurlara imza atıb.

ABŞ-ın qurucularından birinin, Corc Vaşinqtonun əsası da «Potomac lojası»ndadır. Bu loja həm də «kəşfiyyatçılar lojası» kimi də ad çıxarıb. Mənbə bu quruma Mərkəzi Kəşfiyyat İdarəsi, Federal Təhqiqat Bürosunun yüksək vəzifəli tanınmış şəxslərinin də üzv olduğu haqda məlumat verib.