Küveyt Suriyada yaşayan ermənilərə yardım edir

Küveytin Ermənistandakı səfiri Bəssam Məhəmməd əl-Kabandi dekabrın 26-da Erməistanın Diaspor Nazirliyinə «Suriyada yaşayan ermənilərin əlaqələndirmə mərkəzi»nə bir milyon dollar humanitar yardıma dair sənəd təqdim edəcək.

Lent.az-ın «Novosti-Armenii»-yə istinadən məlumatına görə, həmin maliyyə vəsaiti Suriyada yaşayan ermənilərin ərzaq məhsulları almasına xərclənəcək.

Erməni mənbələrinin xatırlamasına əsasən, Suriyada 5 min erməni qalıb. Qalanı isə ölkəni tərk edib. Onların iddiasına görə, bu ölkədə ümumilikdə 85 min erməni var. Onlar əsasən, Hələbdə məskunlaşıb.