Köklüyü onu edamdan qurtarıb

ABŞ-ın Ohayo ştatının qubernatoru Con Kasiç qatilin ölüm hökmünü ömürlük həbslə əvzlənməsinə razılıq verib.

Lent.az-ın «BBC»-yə istinadən məlumatına görə, məhkum 53 yaşlı Ronald Post etiraf edib ki, edam ona tədricən əzab verəcək. Çünki çəkisi 204 kq olan bu məhkumun əzələsinə yeridiləcək zəhər onu uzun müddətə öldürəcəkmiş.

Vəkillərin sözlərinə əsasən, artıq çəkiyə görə Postun venasını tapmaq çətin olar, bu səbəbdən zəhəri əzələdaxili yeritməyə ehtiyac var.

Hakimlər kollegiyası bu dəlilə diqqət etməsələr də, 1980-ci illərin ortalarında Postu müdafiə edən vəkillərin bir sıra səhvlər yol verdiyi qərarına gəliblər. Bunu əsas götürərək, ona qarşı edam hökmünü ləğv ediblər.

Ronald Post 1983-cü ildə soyğun etdiyi zaman motel əməkdaşını qətlə yetirdiyi üçün mühakimə olunub.