İraqda 44 deputat istefa verib

İraqda 44 deputat istefa verib. Lent.az-ın «gazeta.ru»-ya istinadən məlumatına görə, buna səbəb ölkə təhlükəsizlik xidməti əməkdaşlarının etirazçıların çadırlarını sökməsi göstərilib.

Mənbə bildirib ki, hakimiyyət Ər-Ramadi şəhərindəki çadırı söküb. Bu düşərgə keçmiş maliyyə naziri, ötən il həbs edilmiş Ayfan Səədun əl-Əsavinin müdafiəsi məqsədi ilə qurulubmuş.

44 deputat çadırların sökülməsinə etirazla yanaşı, ötən həftənin sonunda tutulmuş, deputat Əhməd əl-Əlavninin də sərbəst buraxılmasını tələb ediblər.

Çadır sökülən zaman yaraqlılarla təhlükəsizlik xidməti əməkdaşları arasında atışma olub. Nəticədə 10 yaraqlının öldürüldüyü bildirilib.