İran Sudanda hərbi baza salır

Sudan prezidenti Ömər əl-Bəşir İrana ölkə ərazisində hərbi baza tikməyə icazə verdiyinə dair xəbərlər yayılıb.

Lent.az-ın «Novosti -Armenii»-yə istinadən məlumatına görə, həmin bazada İsrailin cənubunu və mərkəzi hissəsindəki, habelə Səudiyyə Ərəbistanın və ABŞ-ın körfəz dövlətlərindəki hərbi-dəniz bazalarındakı hədəfləri İran raketləri vura biləcək.

Məlumata əsasən, Sudanın şimalındakı bu dövlətin infrastrukturunun inkişafı üçün Səudiyyə Ərəbistanı milyonlarla dollar sərmayə qoyub. Bir müddət öncə krallıq bildirib ki, əgər Əl-Bəşir Ömər İran ordusunun formal olaraq, Sudan ərazisində mövcudluğuna icazə verərsə, o zaman həmin layihələrin maliyyələşdirilməsini dayandıracaq.

Bundan başqa Qırmızı dənizin Sudan sahillərində də İranın hərbi-dəniz bazası salmaq istəyinin olduğu haqda da məlumat yayılıb.

Sudanla İranın münasibətinin yaranmasına başlıca səbəb kimi bu ilin oktyabrında paytaxt Xartumda silah zavodunda baş vermiş olay göstərilir. Sudan hakimiyyəti İsraili həmin zavodu bombalamaqda ittiham edir.

İsrail təhlilçilərinin dediyinə görə, həmin zavodda İran silahı istehsal olunur və saxlanılırmış.