Gürcüstan Daxili İşlər Nazirliyi sabiq baş nazir Nika Gilauri və sabiq maliyyə naziri Dmitri Qvindadzeni dindirmək üçün nazirliyə çağırıb. APA-nın Gürcüstan bürosunun məlumatına görə, bu barədə Gürcüstan daxili işlər nazirliyi bəyanat yayıb.
Məlumatda bildirilib ki, hər iki sabiq nazir Korrupsiyaya qarşı Mübarizə Agentliyi tərəfindən “Kart” bankının müflisləşməsi ilə bağlı dindirilmək üçün çağırılıb.
Qeyd edək ki, dindirilmək üçün hər iki nazirə xəbərdarlıq şəxsən təqdim edilib.
Onu da xatırladaq ki, dekabrın 22-də sabiq maliyyə naziri jurnalistlərə açıqlamasında dindirilmə üçün xəbəri bu gün səhər aldığını və bütün suallara cavab vermək üçün hazır olduğunu bildirib. “Mən istintaqla əməkdaşlıq etməyə hazıram,” sabiq maliyyə naziri Dmitri Qvindadze bildirib.
O, açıqlamasında ona veriləcək suallar barədə məlumatlı olmadığını da vurğulayıb. Sabiq nazir dindirilmək üçün vəkilsiz gəlib.
Qeyd edək ki, dünən Gürcüstanın sabiq iqtisadiyyat naziri Vera Kobaliya eyni məsələyə görə dindirilib. Sabiq baş nazir Nika Gilauri də qeyd edilən məsələyə görə şahid qismində dindiriləcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
