“Ded Xasan” Sovet İttifaqı Qəhrəmanlarının yanında dəfn ediləcək - YENİLƏNİB

Məşhur avtoritet “Ded Xasan”ın cənazəsi Donetskdən yenidən Moskvaya qaytarılıb. Lent.az-ın Rusiyanın NTV kanalına istinadən verdiyi xəbərə görə, buna səbəb

Onun Gürcüstanda dəfn edilməsinə icazə verilməməsidir.

Məlumata görə, “Ded Xasan” Moskvanın Danilovsk qəbiristanlığında dəfn ediləcək. Qeyd edək ki, bu qəbiristanlıqda yer olduqca məhdududur. Danilovskda əsasən Sovet İttifaqı və Sosialist Əməyi Qəhrəmanları dəfn edilib.

*****

10.14

Moskvada qətlə yetirilən “Ded Xasan” ləqəbli Aslan Usoyanın cənazəsini aparan təyyarənin Tbilisiyə enməsinə imkan verilməyib. Lent.az-ın Rusiya KİV-ə istinadən verdiyi xəbərə görə, Moskvanın “Vnukovo” aeroportundan havaya qalxan təyyarə Ukraynanın Donetsk şəhərində eniş edib.

Donetskdə müvafiq yoxlamalardan sonra təyyarəyə yanacaq vurulub. Amma havaya qalxa bilməyib. Gürcüstan tərəfi göyərtəsində 31 nəfərin olduğu təyyarənin qəbul etməyib.

Məlumata görə, təyyarə böyük ehtimalla Moskvaya qayıdacaq və avtoritet Rusiya paytaxtında dəfn ediləcək.