Girova görə bir milyon avro

Polis Berlin bankında bir nəfəri girov götürmüş cinayətkarla danışıqlara başlayıb. Cinayətkar bir milyon avro məbləğində pul və maneəsiz çıxış tələb edir, əks halda binanı partladacağı ilə hədələyir.

Lent.az-ın «RİA-Novosti»yə istinadən məlumatına görə, kimliyi hələ müəyyən edilməyən bu şəxs “Deutsche Bank”-ın Berlinin Selendorf rayonundakı filialına daxil olub. Partladıcı qurğu olması ilə hədələyərək, bank işçilərində pul tələb edib. Cinayətkar bank işçisini girov götürüb. Girovun bank filialının rəhbəri olduğu ehtimal olunur. İyirmiyədək insan binadan qaça bilib.

Polis və xüsusi təyinatlılar bank binasını 100 metr radiusda mühasirəyə alıb, hadisə yerinə bir neçə “təcili yardım” maşını da cəlb olunub.