Ərdoğanla Obama arasında gözlənilməz telefon danışığı olub

Türkiyənin baş naziri Rəcəb Tayyib Ərdoğanla ABŞ prezidenti Barak Obama arasında telefon danışığı olub. Lent.az-ın Habertürk-ə istinadən məlumatına görə, tərəflər iki ölkə arasındakı əlaqələrin önəmindən danışıb, bölgədəki vəziyyəti müzakirə ediblər.

Ərdoğanla Obama Dəməşqdəki rejimin təzyiqi nəticəsində Suriyada yaranan terrorçuluğu və ona qarşı birgə mücadilənin vacibliyini, bu ölkədə yaşanan böhranın başa çatması üçün hər kəsin orta məsləhətinə ehtiyac olduğunu vurğulayıblar.

Danışıq zamanı Türkiyə ilə İsrail arasında münasibətlərin normallaşmasına toxunulub.

İraqdakı vəziyyəti müzakirə edən liderlər bu ölkədəki enerjidaşıyıcıları məsələsində yaranmış problemin aradan qaldırılmasının vacibliyini vurğulayıblar.

R.T.Ərdoğan Kipr məsələsinin yenidən müzakirəyə çıxarılmasını alqışlaması B.Obama tərəfindən də müsbət qarşılanıb.

«Boeng 737» «Barış Qartalı» təyyarəsinin Türkiyə Hərbi Hava Qüvvələrinə verilməsi ilə bağlı fevralın 21-də təntənəli mərasimin keçiriləcəyini də söyləyib.