Ankara və İstanbulda korrupsiyaya bağlı 49 nəfər tutulub - YENİLƏNİB-4

İstanbul və Ankarada polis 28 ünvanda korrupsiyaya qarşı irimiqyaslı əməliyyat keçirib.

Lent.az-ın Türkiyə mətbuatına istinadən məlumatına görə, əməliyyat nəticəsində 49 nəfər saxlanılıb.

Onların arasında daxili işlər, iqtisadiyyat, ətraf mühit və şəhərsalma üzrə nazirlərin 3 oğlu, tanınmış iş adamları da var.

Həbs olunanların bir qrupunun siyahısı: iş adamı Əli Ağaoğlu, iş adamı və müğəni Ebru Gündəşin əri Rza Zarrab, laxili işlər naziri Müəmmər Gülərin oğlu Barış Güler, iqtisadiyyat naziri Zəfər Çağlayanın oğlu Salih Kaan Çağlayan, ekologiya və şəhərsalma naziri Erdoğan Bayraktarın oğlu Abdullah Oğuz Bayraktar, Osman Ağca, «Taş Yapı»nın sahibi Əmrullah Turanlı, «Halk Bankası» baş direktoru Süleyman Arslan, Fatih Bələdiyyəsi sədri Mustafa Dəmir, iqtisadiyyat nazirinin dəftərxana müdirləri Mustafa Behçət Kaynar və Onur Kaya,

Ərdoğan Bayraktarın müşaviri Sadık Soylu (AK Partiya baş katibinin müavini Süleyman Soylunun yeğəni olduğu iddia edilir), Ətraf mühit və şəhərsalma Nazirliyinin baş direktoru Mehmet Ali Kahraman.

Əməliyyatdan sonra adları çəkilən nazirlər rəsmi görüşlərini yarımçıq kəsib.

***

15.06

Azərbaycan əsilli iş adamı belə tutuldu.

Nazir övladları ilə yanaşı, Halkbank-ın baş direktoru Süleyman Aslan və İstanbulun Fatih bələdiyyəsinin sədri Mustafa Dəmir də nəzarət altına alınıb.

Bundan başqa, hələlik adları dəqiqləşdirilməyən 4 nazirliyin əməkdaşının da nəzarət altına alındığı bildirilir.

12.24

Türkiyədə saxlanılan şəxslərə dair yeni məlumatlar açıqlandı. Saxlanılan nazir oğlunun İqtisadiyyat naziri Zafər Çağlayanın oğlu Saleh Kaan Çağlayan olduğu bildirilir.

Həbs olunanlar arasında daha iki nazir - Daxili işlər naziri Müammar Gülərin oğlu Barış Gülər və Ekologiya və şəhərsalma naziri Ərdoğan Bayraktarın oğlu Abdullah Oğuz Bayraktar da var.

11:39

İstanbul Respublika Prokurorluğu rüşvət əməliyyatı ilə bağlı səhər saatlarında başladığı əməliyyat zamanı aralarında bır sıra tanınmış iş adamlarının da olduğu 22 nəfəri saxlayıb.

Lent.az-ın Türkiyə mətbuatına istinadən verdiyi xəbərə görə, həbs olunanların arasında tanınmış azərbaycanlı iş adamı, müğənni Ebru Gündeşin həyat yoldaşı Rza Zərrab da var.

Həmçinin Türkiyənin məşhur biznesmeni Ali Ağaoğlu da həbs olunanlar sırasındadır.

Bəzi mənbələr nazirlərdən birini oğlunun da saxlanıldığı xəbərini yayıblar. Şübhəli şəxslər xəstəxanada tibbi müayinədən keçirildikdən sonra İstanbul Əmniyyət Müdirliyinə (polis idarəsi) aparılıblar.

Hazırda onlar barədə istintaq tədbirləri gedir.