Dağıstanda 25 kq-lıq bomba zərərsizləşdirilib

Dağıstanın Qızılyurt rayonu Çontaul kəndi yaxınlığında Rusiya Federal Təhlükəsizlik Xidmətinin əməkdaşları 25 kq ağırlığında partlayıcı qurğunu zərərsizləşdiriblər.

Lent.az-ın «BBC»-yə istinadən məlumatına görə, polisə hücum zamanı ərazidə axtarış aparılan zaman bu partlayıcının tapıldığı bildirilib. Həmin hücumda 5 polis yaralanmışdı.

Güc qurumlarının məlumatına əsasən, bu qurğunu polislər partladaraq, məhv ediblər. Zərərçəkən olmayıb.