Cənubi Koreyanın prezidenti xanım oldu

Ölkə tarixində bu, qadınlara ilk dəfə verilmiş haqdır

İlkin nəticələrə əsasən, dekabrın 19-da Cənubi Koreyada keçirilən prezident seçkisinin qalibi səslərin 78,6 faizi hesablandıqdan sonra hakim “Senuri” Partiyasının (Yeni Sərhədlər Partiyası) namizədi Pak Kın Xenin qalib gəldiyi açıqlanıb.

İlk dəfədir Koreyada qadın prezident seçilir.

60 yaşlı Pak Kın Xenin atası general Pak Çon Xi vaxtilə Cənubi Koreyanın prezidenti olub. Onu 1979-cu ildə ölkənin Mərkəzi Kəşfiyyat İdarəsinin rəhbəri öldürüb.

Rəqibi Birləşmiş Liberal Demokratik Partiyanın namizədi 59 yaşlı Mun Çje İn xanım siyasətçinin qələbə münasibəti ilə təbrik edib.