Amazon meşələrində ağaclar siyahıya alınacaq

Braziliya hakimiyyəti son zamanlar daha çox təhlükə ilə üzləşən Amazon tropik meşələrdəki bütün növ ağacların reyestrini aparacağını elan edib.

Lent.az-ın «BBC»-yə istinadən məlumatına görə, ölkə Meşə Təsərrüfatı nazirliyi bildirib ki, bu siyahıyalmaya 4 il vaxt sərf olunacaq. Qeydalmada bütün növ ağacların özəllikləri göstəriləcək.

Məşhur Amazon meşələrində qeydiyyat 40 il öncə aparılıb. Ağacların kütləvi şəkildə baltalanması və iqlim dəyişikliyi meşələrin məhv olması təhlükəsi həddinə çatdırıb.

Braziliya hakimiyyəti 2009-cu ildə boyun olub ki, 2020-ci ilədək meşələrin məhv olması önəmli dərəcədə azaldacaq.