Fələstin ABŞ-a hörmətsizlik edib, Fələstin İsraillə danışıqlara başlamayınca onlara yardım verilməyəcək. APA-nın “RİA Novosti”yə istinadən verdiyi xəbərə görə, bunu ABŞ prezidenti Donald Tramp Davosda İsrailin baş naziri Binyamin Netanyahu ilə görüşü zamanı bildirib.
Tramp Fələstin rəhbərliyinin ABŞ-ın vitse-prezidenti Mayk Penslə görüşməkdən imtina etməsini hörmətsizlik adlandırıb.
“Fələstinlilər ABŞ-dan yüz milyonlarla dollar yardım alır. Masa arxasına oturmayanadək və danışıqlara başlamayanadək onlara pul verilməyəcək”, - deyə Tramp qeyd edib.
Qeyd edək ki, ABŞ prezidenti Donald Tramp ötən ilin dekabrında Qüdsün İsrailin paytaxtı kimi tanındığını rəsmi elan edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
