Bakı və Abşeronun bir hissəsi 2 gün susuz qalacaq

Abşeron rayonu, Saray, Ceyranbatan, Mehdiabad, Fatmayı, Goradil qəsəbələrinin, Corat bağ massivinin, Sabunçu rayonu, Kürdəxanı, Pirşağı, Ramana, Maştağa, Bilgəh, Nardaran qəsəbələrinin bəzi ərazilərində içməli suyun verilişində fasilə yaranacaq.

Bu barədə Lent.az-a "İri Şəhərlərin Su Təchizatı" QSC-dən məlumat verilib.

Sözügedən əraziləri su ilə təmin edən istismar müddəti bitmiş qəzalı xəttin bir hissəsinin yenisi ilə əvəz olunması işləri çərçivəsində iyulun 28-i səhər saatlarından iyulun 30-u günorta saatlarınadək su təminatında fasilə yaranacaq.