“The Office” serialındakı Daun Tinsley obrazı ilə tanınan britaniyalı aktrisa Lüsi Devis səhhəti ilə bağlı ağır xəbəri açıqlayıb.
Lent.az xarici KİV-ə istinadla xəbər verir ki, 53 yaşlı aktrisa sosial şəbəkədə paylaşım edərək təxminən il yarım əvvəl ona dördüncü mərhələ süd vəzi xərçəngi diaqnozu qoyulduğunu bildirib.
Devis xəstəliyin artıq metastaz verdiyini, sümüklərinə, onurğasına, sağ bud nahiyəsinə və qabırğalarına yayıldığını açıqlayıb.
Aktrisa ağır xəstəliklə mübarizə aparmasına baxmayaraq, nikbinliyini qorumağa çalışdığını bildirib. O, ailəsi və yaxınlarından ona xəstə insan kimi davranmamalarını xahiş etdiyini də deyib.
“Hazırda ən çox ehtiyacım olan şey yumordur”, – deyə Lüsi Devis bildirib.
Aktrisanın xəstəliyini uzun müddət ictimaiyyətdən gizli saxladığı, yalnız indi bu barədə danışmaq qərarına gəldiyi məlum olub.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
