![Tbilisi metrosunun tavanı çökdü[b]: xəsarət alanların sayı 14-ə çatdı - [/b]YENİLƏNİB](https://lent.az/site/assets/images/breaking-news/lentaz.png)
Tbilisi metrosunun “Varketili” stansiyasında tavanın bir hissəsinin uçması nəticəsində xəsarət alanların sayı 14-ə çatıb.
APA-nın Gürcüstan bürosunun məlumatına əsasən, vəziyyəti ağır olan iki nəfər əməliyyat olunacaq.
Digərlərinin isə xəsarətləri yüngül kimi qiymətləndirilir. Pasientlərin 25-46 yaş arasında olduğu bildirilir.
***
12:02
Tbilisi metrosunda tavanın çökməsi nəticəsində xəsarət alanların sayı 11 nəfərə çatıb.
APA-nın Gürcüstan bürosunun məlumatına əsasən, onlar xəstəxanaya çatdırılıb.
11:22
Tbilisidə metronun “Varketili” stansiyasında tavanın bir hissəsinin çökməsi nəticəsində xəsarət alanların sayı 7 nəfərə çatıb.
APA-nın Gürcüstan bürosunun məlumatına əsasən, stansiya bağlanıb.
Xəsarət alanlar xəstəxanalara yerləşdirilir.
Tbilisi meri Kaxa Kaladze vəziyyətlə tanış olmaq üçün metro stansiyanın olduğu əraziyə yollanıb.
11:10
Tbilisidə metronun “Varketili” stansiyasında tavanın bir hissəsi çöküb.
APA-nın Gürcüstan bürosunun məlumatına əsasən, nəticədə 3 sərnişin xəsarət alıb.
Qəza səbəbindən sərnişinlər stansiyanı tərk edə bilmir.
Hadisə yerinə polis və xilasedicilər cəlb olunub. Hazırda sərnişinlər stansiyadan təxliyə olunur.
Qeyd edək ki, “Varketili” metro stansiyasının təmiri və yenidən qurulması ötən ilin sentyabrında başa çatıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
