«Yeni Ana Yasa demokratiyanın təntənəsidir»

Misir Ərəb Respublikasının yeni Ana Yasası ilə bağlı keçirilən referendumun rəsmi nəticələri elan olunduqdan sonra ölkənin prezidenti Məhəmməd Mursi müraciət edib.

Lent.az-ın «BBC»-yə istinadən məlumatına görə, o, deyib ki, əhalinin çoxluğu tərəfindən Əsas Qanun layihəsinin dəstəklənməsi «demokratiyanın təntənəsinin göstəricisidir».

Onun sözlərinə görə, yaxın günlərdə iqtisadi inkişafı tənzimləmək üçün parlamentə yeni qanun layihəsi təqdim edəcək. Prezident bütün siyasi qüvvələri danışığa çağırıb.

Qeyd edək ki, Məhəmməd Mursinin əleyhdarları yeni konstitusiyada şərii məsələlərə daha çox yer verilib.